MAINGAT din si Julie Anne San Jose sa mga sagot niya kapag tungkol kay
Alden Richards ang tinatanong.
Pinag-uusapan na kasi ngayon ang programang ipapalit sa Sunday Pinasaya.
Hindi ako sure kung All Out Sunday o Sunday Laugh Out Loud ang title ng show pero tampok daw dito sina Alden Richards at Julie Anne San Jose.
Kaya tinanong na si Julie Anne sa media launch ng bagong endorsement niyang Lee Jeans na handa ba siyang maka-tandem si Alden? Posibleng siya kaya ang papalit kay Maine Mendoza?
“Unbeatable po sila,” mabilis na sagot ni Julie Anne.
“I don’t think na may kailangan po akong palitan, kasi ang lakas po ni Alden and Maine together. Ang lakas naman po talaga ng Aldub together. And wala po akong kailangang palitan…wala po akong kailangang i-fill in.
“Basta focus focus as solo performer,” dagdag niyang pahayag.
Samantala, matagal-tagal din palang hindi napapanood si Alden sa Eat Bulaga.
Akala ng iba, hindi na siya kasali sa Eat Bulaga.
Next week ay babalik na ang favorite Kapuso actor ko.
Nagpaalam pala siyang mag-leave sandali dahil sa sunud-sunod ang taping niya sa The Gift at kailangang may mga tapusin daw siyang commitments.
Hindi naman basta bastang iwan ni Alden ang Eat Bulaga no!
![](https://saksingayon.com/wp-content/plugins/dp-post-views/images/eyes.png)